‘ෆාලීස් රස්ක්’ බිස්කට්වල හූනු කොටස් – අධ්‍යක්‍ෂලා 07කට වරෙන්තු
ලංකා ඩෙල්මේජ් ඩිස්ට්‍රිබියුටර්ස් ප්‍රයිවට් ලිමිටඩ් විසින් ඕමානයෙන් ආනයනය කළ ෆාලීස් රස්ක් ළදරු බිස්කට් වල හුනකුගේ සත්ව කොටස් හමුවීම සහ එම බිස්කට් ආහාරයට ගැනීමෙන් මට්ටක්කුලිය ප්‍රදේශයේ දැරියක සදාකාලික රෝගාතුර වීම යටතේ ගොනු කර තිබූ චෝදනා සලකා බලමින් කොළඹ අතිරේක මහේස්ත්‍රාත් කපිල දුෂාන්ත එපිටවල මහතා එම සමාගමේ අධ්‍යක්ෂ මණ්ඩලයේ 7 දෙනෙකුට වරෙන්තු නිකුත් කර ඇත.2007 වසරේ අප්‍රේල් 19වන දින මට්ටක්කුලිය නිශාන්ති රංජනී ප්‍රනාන්දු විසින් මෙම පැමිණිලල් සිදුකර ඇති අතර අදාල බිස්කට් ආහාරයට ගන්නා විට දැරියගේ වයස මාස 7ක්ව පැවති බවත් පැමිණිල්ලේ සඳහන්ය.
මේ සම්බන්ධව සමාගමේ වෙළද නියොජිතයාට දැන්වීමෙන් පසු සමාගමේ නිලධාරිනියක් දැරිය බැලීමට පැමිණ මේ ගැන හෙලි නොකරන ලෙසත් සමාගම වන්දියක් ගෙවීමට සුදානම් බවත් දන්වා ඇතැයි දැරියගේ මව විසින් කර ඇති පැමිණිල්ලේ සටහන් කර ඇත.
නමුත් දිගින් දිගටම දැරියට මළපහ සමග රුධිරය පිටවීම නිසා ඇය බොරැල්ල රිජ්වේ ළමා රෝහලට ඇතුලත් කර ඇතැයිද පැමණිල්ලේ කියැවේ.
ස්වර්ණවාහිනී ප්‍රවෘත්ති විකාශයේ මේ පුවත විකාශය වූ වීඩියෝව -
උපුටා ගෑනීම - lankaCnews
0 comments:
Post a Comment